Жаңалықтарды Telegram арнамыздан оқыңыз!«Мектептерде күзетте көбіне егде жастағы адамдар екенін байқаймыз. Тиісінше олардың физикалық дайындығы және қауіп-қатерлерге мобильді жауап беру қабілеті ата-аналарды алаңдатады».
Осылай деген Мәжіліс депутаты Ержан Бейсенбаев Ішкі істер министрінің орынбасары Игорь Лепехаға мектептегі күзетшілердің жасын шектеу керек пе деген сауал қойды. Бірақ қолданыстағы заң бойынша мектеп директоры күзет қызметіне қандай азаматтарды алу керектігі туралы талапты өзі қоюға құқылы екен. Егер ол жасын, біліктілігін және басқа да талаптарын нақты келісімшартта көрсетсе, күзет қызметі сол міндетке сай жұмысшы қабылдайды. Ал жалпы күзетші полицей немесе әскери адам емес, сондықтан ол қандай да бір төтенше жағдай бола қалса, ең алдымен қауіпсіздікке арналған шұғыл топты шақыруы керек. Бүгін Мәжілісте күзет қызметі мәселелері бойынша заң бірінші оқылымда мақұлданды. Ол қару иелері мен күзет ұйымдарына қойылатын талаптарды күшейтуге бағытталған.
Жарқынбек Амантайұлы, Мәжіліс депутаты:
Қазіргі біз ұсынып отырған заңға сәйкес 1186 ұйым жұмысын тоқтатты ма, олар 15 күннің ішінде уәкілетті органға тиісті құжаттарын рәсімдеп, қаруларын нөмірлеп, патрондарымен бірге тапсыруға міндетті.
Азамат Бейбітұлы
