Жаңалықтарды Telegram арнамыздан оқыңыз!Тонгада қуаты 7 балдық жер сілкінісі болды. Тынық мұхиттағы корольдіктедүмпу ошағы 10 шақырым тереңдікте анықталған. Зардап шеккендер туралы ақпарат түскен жоқ. «Рейтер» агенттігінің мәліметінше, цунами қаупі жарияланды. Билік тұрғындарға қауіпсіз жерге көшу қажеттігін ескертті.
Зілзала бүгін Қырғызстанда да тіркелді. Қуаты 4,3 балдық дүмпу Бішкектен 51 шақырым жерде анықталған.
Ал Мьянмада жұма күнгі жер сілкінісі құрбандарының саны 2 мыңнан асқан. Мұны елдің әскери хунтасы хабарлады. 4 мыңға жуық тұрғын жараланған. 270 мың адам хабар-ошарсыз кеткен. Шағын дүмпулер әлі тоқтаған жоқ. Құтқару жұмыстары жалғасып жатыр. Үйінді астынан бірнеше адам аман-есен шығарылған. Көршілес Таиландта да құтқару жұмыстары жүріп жатыр.
«BBC-дің» мәліметінше, бұл елде 28 наурызда болған табиғи апаттан қаза тапқандар саны 18-ге жеткен. Салынып жатқан көпқабатты ғимарат құлаған кезде жоғалып кеткен 76 жұмысшы әлі табылған жоқ.
Арай Төлегенқызы
