Халықаралық Infomatrix-Asia инновациялық байқауы аяқталды

Үш күнге жалғасқан халықаралық Infomatrix-Asia инновациялық байқауы өз мәресіне жетті. Халықаралық байқау мектеп оқушылар арасында компьютерлік жобалар бойынша үздіктерді анықтады. 10 жылдан бері ұйымдастырылып келе жатқан білім бәйгесі технология, ғылым және цифрлық салаларды қамтиды. 9 сала бойынша үздік деп танылған қатысушыларға жоғары оқу орындарының білім гранттары беріледі. Байқауға әлемнің 9 мемлекетінен 500 оқушы қатысқан. Атап айтқанда Қырғызстан, Түрікменстан, Тәжікстан, Гонконг, Африка және Оңтүстік-Шығыс Азия елдерінен оқушылар келді.

Қуат Қожахметов, «Білім-Инновация» ХҚҚ вице-президенті:

Осы жарыстың мақсаты - оқушылардың бойындағы ізденімпаз, цифрлық дағдыларды қалыптастыру және келешекте компьютер саласында мамандарды әзірлеу. Оқушылардың осындай деңгейіне біз өте қуанамыз және осы деңгейді әрі қарай дамытуды жалғастырамыз, өз үлесімізді қосамыз. 

Серік Жұмабек