Қарағанды облысында зейнеткерді соққыға жыққан жасөспірімдер ұсталды

Теміртауда зейнеткерді аяусыз соққыға жыққан жасөспірімдер анықталып, қамауға алынды. Қарияға өздерін электрик маманы ретінде таныстырып, жалғызбасты қарияның үйіне кірген. Ұсталғандардың 4-уі де кәмелет жасына толмаған. Олар 67 жастағы зейнеткерді аяусыз соққыға жығып, оны бейнежазбаға түсіріп алған. Жасөспірімдердің бұл қылығы үшін ата-аналары жауапкершілікке тартылмақ.

Бақытжан Құдияров, облыстық Полиция департаментінің ресми өкілі:

Барлық кінәлі тұлға ұсталып, уақытша ұстау изоляторына қамалды. Кәмелетке толмағандардың заңды тұлғалары бала тәрбиесіне салғырт қарағаны үшін жауапкершілікке тартылады. Жасөспірімдер есепке алынды. Қылмысты тергеу ПД басшылығының қатаң бақылауында.

Жандос Бақытұлы