ШҚО-да киберқылмысқа қарсы күресу курсы өтті

Шығыс Қазақстан облысында тек биыл интернет арқылы халықтың қаржысын алдап соққан алаяқтарға қатысты 200-ден аса дерек тіркелді. Сондықтан өңірдегі полиция департаментінің қызметкерлері тұрғындарға алаяқтарға алданбаудың жолын үйретіп жатыр. Бүгін олар арнайы сабақ өткізді. Полиция қызметкерлері мұғалімдерге арналған оқу бағдарламалары мен курстарын әзірледі. Арнайы курстан өткен мұғалімдер алаяқтардың қандай әрекеттерге баратынын оқушыларға түсіндіреді. Арнайы оқу курсына кез келген адам қатыса алады.

Нұрай Арыстанбек, облыстық ПД Киберқылмысқа қарсы іс-қимыл басқармасының аға жедел уәкілі:

Бүгінгі таңда жалпы киберқылмыс тіркелуі көбеюде. Сол себептен ең бастысы олардың алдын алуға бағытталған шаралар болып саналады. Сол себепті оны жастардың сауаттынан бастаған жөн деп көрдік.

Олжас Керейхан