АҚШ-тың ұлттық қауіпсіздік жөніндегі кеңесшісі құпия мәліметтің тарауына қатысты жауапкершілікті өз мойнына алды

АҚШ-тың ұлттық қауіпсіздік жөніндегі кеңесшісі Майк Уолц Йеменге соққы беру туралы ақпараттың Signal мессенджері арқылы тарап кетуіне жауапкершілікті мойнына алды. Және бұл әрекетті «ұят» деп атады. Fox News телеарнасына берген сұхбатында Уолц аса құпия мәліметтер талқыланатын онлайн чатты құрғанын да растады. Ол жабық чатқа The Atlantic басылымының журналисін байқамай қосып жіберген. Джеффри Голдберг есімді журналист Майк Уолтцтан Signal мессенджеріндегі жабық чатқа шақырту алғанын бірінші болып жазған еді. Дегенмен Трамп әкімшілігі чатта ешқандай құпия ақпарат бөліспегенін мәлімдеді. Ал бұған әскери науқан туралы ақпаратты құпия санайтын демократтар мен бұрынғы шенеуніктер таң қалып отыр.  

Арай Төлегенқызы