Жаңалықтарды Telegram арнамыздан оқыңыз!Сауд Арабиясының астанасы әр-Риядта АҚШ пен Ресей өкілдерінің келіссөзі 12 сағатқа созылды. Келіссөзге қатысушылар 3 рет үзіліс жасады. Кеңесу сарапшылар деңгейінде өтті. Тараптардың бас қосуындағы басты мақсаты – Украинадағы соғысты тоқтату. «Рейтер» агенттігінің мәліметінше, АҚШ келіссөздер кезінде алға ілгерілеушілік бар екенін мәлімдеген. Ал Кремльдің өкілі Дмитрий Песков: «Байланыс әрі қарай жалғаса беретіні түсінікті. Келіссөз нәтижесі сарапталып жатыр», - деп түйіндеді. Мұның алдында наурыздың 23-інде әр-Риядта АҚШ-Украина өкілдері кездескен еді.
Арай Төлегенқызы
