Қызылордада Ұлыстың ұлы күні 135 отбасы үйлі болды

Ал Қызылордада ұлыстың ұлы күні 135 отбасы үйлі болды.

Наурыз мерекесімен қатар қоныс тойын тойлаған тұрғындар қуанышқа бөленіп, шаңырақтары шаттыққа толды. Үлкендер ақ батасын беріп, ел ағалары кішкентай бүлдіршіннің тұсауын кесті. Ерекше сыйға ие болған әр отбасы дастархан жайып, мәз-мейрам.

Ақзине Сапиқызы, қала тұрғыны:

Бүгін міне кереметтей наурыз күні, Рамазан айында біздің отбасымызда қуанышты күн болып жатыр. Балаларымыз үйлі болып жатыр. Кереметтей шаңыраққа кіріп жатыр. Қуанышымыз шексіз.

Ал қала орталығында қаз-қатар киіз үйлер тігіліп, тұрғындар әз-наурызды ерекше тойлады. Жалпыхалықтық мейрамда ән мен күй төгіліп, салт-дәстүр салтанат құрды. Ал ұлттық спорт сайыстары көпшіліктің делебесін қоздырып, керемет көңіл-күй сыйлады.

Әділбек Серікұлы