«Жомарт» кенішіндегі апат: жұмыс берушінің кінәсі толық дәлелденді

Ұлытау облысы Жомарт кенішінде болған апатқа жұмыс беруші 100% кінәлі деп танылды. «Қазақмыс» компаниясына тиесілі кеніште 17-ақпан күні жарылыс болып, 7 кенші қаза тапқан еді. Арнайы құрылған комиссия апаттың негізгі себебі – шахтада жиналған метан ауа қоспасының жарылуы екенін айтты. Бұл жарылыстан қорғалмаған электр жабдығын пайдаланудың салдарынан болған. Одан бөлек желдету жүйесі жеткілікті түрде жұмыс істемеген. Кеніштегі метан құрамына уақытылы газдық бақылау жүргізілмеген. Бүгінде ішкі істер органдары қылмыстық іс қозғап, тергеу жүргізіп жатыр.

Жандос Бақытұлы