Үкімет басшысы Энергетика министрін таныстырды

Премьер-министр Олжас Бектенов Мемлекет басшысының Жарлығымен Энергетика министрі болып тағайындалған Ерлан Ақкенженовті министрлік ұжымына таныстырды. Оның тәжірбиелі маман екенін айтып, Президент энергетикалық инфрақұрылымды жаңарту міндетін қойғанын атап өтті. Ұжымға стратегиялық маңызы бар жобаларды іске асыру, оның ішінде үш жылу электр орталығы мен Екібастұз ГРЭС-3 құрылысы және қосымша энергия қуаттарын іске қосу тапсырылды.

Ал Алмасадам Сәтқалиевке Олжас Бектенов мұнай-газ, энергетика салаларына қосқан үлесі үшін алғыс білдіріп, Атом энергиясы агенттігінің төрағасы лауазымындағы жаңа қызметіне табыс тіледі. 

Нұрсұлтан Тілектес