Президент қауіпсіздік мәселесіне қатысты сын-ескертпелер айтты

Мемлекет басшысы Қауіпсіздік кеңесінің отырысында барлық салалық ведомствоның атына сын-ескертпелер айтты. Бұл туралы Президенттің кеңесшісі әрі баспасөз хатшысы Руслан Желдібай хабарлады.

Қасым-Жомарт Тоқаев жиында экстремизм мен терроризмге қарсы күресті және ұлттық қауіпсіздікті нығайтуға бағытталған үйлесімді жұмысты күшейту қажет екенін айтты. «Заң және тәртіп» қағидаты басшылыққа алынуы тиіс. Президент халықты алаңдататын мәселелерді шешу үшін цифрлық құралдар мен жасанды интеллектіні дамыту қажет екенін назар аударды. Сонымен қатар Үкіметке Әділетті Қазақстанды құру бағдарламасын іске асыруға күш салуды тапсырды.

Шерхан Жамбылұлы