Сирияда қақтығыстан 1000-нан астам адам қаза тапты

Сирияның батыс жағалауындағы қалаларда болған қақтығыстан мыңнан астам адам қаза тапқан. BBC-дің мәлімдеуінше, марқұмдардың арасында бейбіт тұрғындар, қауіпсіздік күштері, экс-президент Башар Асадты жақтайтын күштер бар. Сирия президенті Ахмед әш-Шараа елді бірлікке шақырды. Бейбіт халыққа зардап шектіргендерді жазалауға уәде берді. Мұның алдында әлемдік басылымдар Сирияның қауіпсіздік күштері азшылықты құрайтын жүздеген алавит өкілін өлтірді деп жазған еді. Ал Сирияның жаңа билігінің өкілдері Башар Асадты қолдайтын топтар көтеріліске шықты деп мәлімдеді. Зорлық-зомбылық бірнеше күннен бері тыйылмай жатыр.

Арай Төлегенқызы