Жаңалықтарды Telegram арнамыздан оқыңыз!2 наурыз күні Шымкенттен Астанаға бағыт алған ұшақта есінен танған 20 жастағы студент қызды құтқарып қалған реаниматолог арнамызға сұхбат берді.
Қыздың қан қысымын өлшедік. Қан қысымы нөл және қан тамырларындағы пульсі өте баяу, тыныс алуы қиындап жатыр екен...
Астана қаласындағы «№2 көпбейінді қалалық балалар ауруханасының» анестезиолог-реаниматологы Нұрсұлтан Құрбанбековтің айтуынша, ұшақтың қонуына жарты сағат қалғанда бортсеріктер жолаушылардың бірі өзін жайсыз сезініп, есінен танып қалғанын айтып, көмек сұраған. Сол сәтте Нұрсұлтан және тағы бірнеше дәрігер тез қимылдап, алғашқы көмекті дер кезінде көрсетіп үлгерген. Соның арқасында өрімдей қыз ажал аузынан аман қалды.
Кейіпкеріміздің айтуынша, сол күні ол басқа рейспен ұшуы керек болған. Бірақ билетті рәсімдеу кезінде қателік кетіп, рейсін ауыстырған. 35 жастағы дәрігер мұның кездейсоқтық емес екеніне сенеді. Өйткені өмірінде мұндай жағдай бұрын-соңды болмапты.
Нұрсұлтан Құрбанбеков, №2 көпбейінді қалалық балалар ауруханасының анестезиолог-реаниматологы:
Жүрек қан тамырлары ауруларында немесе тыныс жолы аурулары бар науқастарда осы жағдайда осындай жағдай болуы мүмкін. 40 төменгі жағы 0 болды. Одан кейін аяғын тағы көтеріп, тыныс алуын жақсарту мақсатында кеудесін қысып тұрған киімдерін босаттық. Одан кейін қант деңгейінің төмендеуіне байланысты науқас есін жинағаннан кейін кофеге қант қосып бердік. Науқастың жағдайы 2-3 минут арасында жақсарды. Мен ерлік жасадым жеп айта алмаймын. Бұл менің күнделікті жұмысым.
Нұрсұлтан Тілектес
