Тұрғын үй ипотекасының жылдық сыйақы мөлшерлемесі төмендейді

Тұрғын үй ипотекасының жылдық сыйақы мөлшерлемесі 20 пайызға дейін төмендеуі мүмкін. Ұлттық банк пен Қаржы нарығын реттеу және дамыту агенттігі қаулысының жобасы «Ашық үкімет порталында» жарияланды. Құжатқа сәйкес жылдық тиімді сыйақы мөлшерлемесінің шекті мөлшері - екінші деңгейдегі банктер бойынша 46 пайыз, кепілмен қамтамасыз етілген банк қарыздары бойынша 35 пайыз.

Ал ипотекалық тұрғын үй қарыздары бойынша 20 пайыз деп бекітілуі мүмкін. Қазір тұрғын үй ипотекасының қарыздары бойынша жылдық тиімді сыйақы мөлшерлемесінің шекті мөлшері – 25 пайыз. Жоба «Ашық үкімет порталында» 26 наурызға дейін талқылауға болады.

Аида Ахметбек