Мәдениетаралық диалогты нығайту жолындағы ассамблеяның рөлі талқыланды

«Қазақстан халқы Ассамблеясы: Бірлік пен дамудың үш онжылдығы». Осындай тақырыппен бүгін Астанада халықаралық дөңгелек үстел өтті. Іс-шара Ассамблеяның 30 жылдығына орай ұйымдастырылған. Жиынға елдегі этномәдени және жастар бірлестіктерінің басшылары мен мүшелері келді. Сондай-ақ жиынға халықаралық ұйымдардың өкілдері қатысты. Олар мәдениетаралық диалогты нығайту жолындағы Ассамблеяның рөлі талқылап, этнос және мәдени топтары арасындағы бейбітшілік туралы сөз қозғады.

Руфина Усанова, Мәдениет және ақпарат министрлігі Этносаралық қатынастарды дамыту комитетінің «Қоғамдық келісім» РММ директорының орынбасары:

Негізі Ассамблеяда түрлі жобалар бар. Оның ішінде қайырымдылыққа бағытталған шаралар бар. Мемлекеттік тілді дамытатын көп шараларды өткізіп жатырмыз. Ассамблея тек этностардың мәдениетін дамытатын ұйым емес. Қоғамда сондай бір пікір қалыптасқан. Ассамблея жалпы қазақстандық бірлік моделін насихаттайтын институт.

Темірлан Нұрсолтан