Жаңалықтарды Telegram арнамыздан оқыңыз!
Астана айналасындағы «Жасыл белдеуді» қорғау заңмен бекітіледі. Оның аумағын қысқартуға қатаң тыйым салынады. Жерлерін зақымдауға да жол берілмейді. Бұл жөнінде бүгін Мәжілістің жалпы отырысында Ұлттық экономика министрі мәлім етті. Мақсат - жасыл желекті сақтап қалу. Ұлттық экономика министрлігінің мәліметінше, елорданың жасыл белдеуінің аумағы 15 мың гектар. Онда 11,5 млн-нан астам ағаш және 2 млн-ға жуық бұта өсіп тұр. Елорда «Жасыл белдеуінің» шекарасын өзгерту тек Үкімет деңгейінде әкімдіктің ұсынысы бойынша жүзеге асырылады.
Серік Жұманғарин, ҚР Премьер-министрінің орынбасары - Ұлттық экономика министрі:
Осыған байланысты «Астана мәртебесі туралы» заң шеңберінде қаланың жасыл аймағын басқару қағидаларын бекіту және оны күтіп-ұстайтын заңды тұлғаны айқындау, жасыл аймағының шекараларын өзгертуді әкімдікпен емес Үкіметпен жүзеге асыру, «жасыл белдеу» аумағында ландшафттардың табиғи көрінісіне теріс әсер ететін қызметке тыйым салу ұсынылады.
Самал Қабышева
