Жаңалықтарды Telegram арнамыздан оқыңыз!Ал Еуропа Одағы жаңа жоспарын жариялады. Ол бойынша Еуропаның қорғаныс қабілетін нығайтуға, әскери әл-ауқатын көтеруге және Украинаны қолдауға 800 млрд еуро бөлінбек.
Мұны бүгін Брюссельдегі брифингте Еурокомиссия төрағасы Урсула фон дер Ляйен мәлімдеді. Ол бейсенбіде өтетін саммит алдында Еуропа лидерлеріне құрлық елдерін қайта қаруландыруға арналған бес қадамнан тұратын жоспары бар хат жолдағанын мәлімдеді.
Урсула фон дер Ляйен, Еурокомиссия төрағасы:
Біз қайта қарулану дәуіріне қадам бастық. Еуропа қысқа мерзімді қажеттіліктер мен Украинаны қолдау үшін қорғанысқа бөлінетін шығындарды арттыруға әзір. Сонымен бірге Еуропа қауіпсіздігі үшін жауапкершілікті өз мойнымызға алуға дайынбыз.
Арай Төлегенқызы
