Елімізде 530 елдімекенде су тасу қаупі бар

Елімізде 1,3 млн адамға су тасқынының қаупі бар. «Amanat» партиясы елдегі 400 гидротехникалық нысаннан су кеткен жағдайда 530 елдімекенге қатер төндіруі мүмкін екенін мәлімдеді. Сондай-ақ Астанадағы су бөгетінің жаңғырту жұмыстары төрт жылдан бері аяқталмай тұрғанын айтты. Ал, Су ресурстары және ирригация министрлігі былтыр ел бойынша гидро нысандардың жағдайы тексерілгенін хабарлады. Астана қаласындағы су бөгетін нығайту бойынша құрылыс жүріп жатыр. Дегенмен ол биылғы су тасқыны кезеңін қауіпсіз өткеруге кедергі келтірмейді. Сонымен қатар министрлік қоймаларға күн сайын мониторинг жүргізіп, су көлемін бақылап отырғанын мәлімдеді.

Шерхан Жамбылұлы