Жаңалықтарды Telegram арнамыздан оқыңыз!Талдықорғанға қарасты Еркін ауылында гаражда тұрған көлік жарылып, бір адам зардап шекті. Үйдің иесі таңғы жеті шамасында көлігін от алдырмақ болғанда газ-ауа қоспасы жарылған. Салдарынан 40 жастағы ер азаматтың аяқ-қолын күйік шалып, қалалық көпсалалы ауруханаға жеткізілді. Қазіргі жағдайы ауыр. Сондай-ақ үй иесінің әйелі үйінді астынан бір баласын шығарып алған. Бала аман, бірақ ауруханаға алып кеткен. Жарылыстан гараж, қора-қопсы жермен-жексен болып, тұрғын үйдің бір бөлігі қираған. Сондай-ақ дүмпуден көрші үйлердің терезелері де сынған.
Марина Гунькина, Еркін ауылының тұрғыны:
Күйеуімнің жағдайы ауыр деді. Екі қолын, аяғын, бетін, кеудесін, жалпы денесінің 20 пайызын күйік шалған деп жатыр. Ал қызымның бір қабырғасы шытынаған. Дәрігерлер гипс салып берді.
Қуаныш Қанатұлы
