Олжас Бектенов Бакуге ресми сапармен барды - «Qazaqstan» Ұлттық телеарнасы

Олжас Бектенов Бакуге ресми сапармен барды

03.03.2025

Олжас Бектенов Бакуге ресми сапармен барды. Премьер-министрді Әзербайжан Президенті Ильхам Әлиев қабылдады. Әзербайжан президентіне Қасым-Жомарт Тоқаевтың жылы лебізі жеткізілді. Кездесуде Әзербайжаның Премьер-министрі Әли Асадовпен үкіметаралық келіссөздер өтті. Тараптар сауда-экономикалық ынтымақтастық, көлік-логистика саласындағы өзара іс-қимыл, мәдени-гуманитарлық байланыстарды дамыту мәселелерін талқылады. Сондай-ақ екі жақ та өзара тауар айналымын арттыруға мүдделі екендерін жеткізді. Кездесулер соңында екіжақты бірқатар құжатқа қол қойылды.

Саясат Нұрбек, Ғылым және жоғары білім министрі:

Баку қаласында келесі үлкен келісімшартқа қол қойылады. Ол – жоғары аттестациялық комиссия мен біздің Ғылым және жоғары білім министрлігінің арасында. Негізгі мақсат – ғылыми басылымдардың біріккен, бірлескен тізімін бекіту. Енді ғылыми экспертизаны да, сараптаманы да бірігіп жасау жоспарымызда бар. Оның үстіне қазіргі таңда Баку қаласына 22 біздің жетекші жоғары оқу орындарымыз келді. Ертең үлкен конференция аясында 17 екіжақты келісімшартқа қол қойылады.

Темірлан Нұрсолтан

Хабарламаларға жазылу