Даниялықтар америкалық өнімдерге бойкот жариялауда

Дания тұрғындары АҚШ-та шыққан өнімдерді сатып алуға бойкот жариялауда. Халықтың сұранысы бойынша елдегі ірі супермаркет желілері Еуропада жасалған тауарларға таңбалау енгізуде. Дүкен сөрелеріндегі Еуропалық өнімдер бағасының жанына жұлдызша белгіленген. Осы таңба арқылы тұтынушы өз таңдауын жасай алады.

Еске салсақ, АҚШ Президенті Дональд Трамп Данияның автономды территориясы Гренландияны сатып алғысы келетінін мәлімдеп, Дания билігі мен халқының ызасын келтірген еді. Осы мәлімдемеден кейін Даниядан АҚШ-қа сапарлаушылардың саны 30 пайызға төмендеген. 

Нұрсұлу Қасым