Жаңалықтарды Telegram арнамыздан оқыңыз!Қазақстанда New York Film Academy кампусы ашылды. Филиалдың қызметін бастау туралы келісімге қол қоюдың онлайн-рәсімі өтті.
Оған Ғылым және жоғары білім министрі Саясат Нұрбек пен Академия президенті Майкл Янг қатысты. Бұл - университеттің шетелдегі үшінші филиалы. Ал Қазақстанда ашылған әлемдік деңгейдегі алғашқы шығармашылық университет. Білім ордасында АҚШ-тан арнайы келетін мамандар кино, продюсерлік, сценарийлік іс, анимациялау және визуалды әсерлер мен ойын әзірлеу сынды бес бағыт бойынша дәріс береді. Оқу биыл 29 қыркүйекте басталады. 200-ге жуық студент қабылдау жоспарланып отыр. Академия түлектері Америка университетінің дипломын алады. Кейін Нью-Йоркте немесе Лос-Анджелесте оқуын жалғастыруына мүмкіндік бар.
Темірлан Нұрсолтанов
