BI Group пен BAZIS компаниялары кірісін төмендетіп көрсеткен

BI Group салық салынатын кірістерін 11,9 млрд, ал BAZIS компаниясы 4,6 млрд теңгеге төмендетіп көрсеткен. Қаржы министрлігі аталған қос компанияның жасырын табысын анықтады. Тексеріс арнаулы салық режимдерін қолданатын субъектілердің өзара есеп айырысуларын талдау шеңберінде 2022-2023 жылдары жалпыға бірдей белгіленген тәртіппен жұмыс істеген компанияларға байланысты жүргізілген.

Күні кеше Премьер-Министр Олжас Бектенов кәсіпкерлерді екі апта ішінде салық сомасын әділетті түрде төлеуге шақырған еді. Миллиардтаған кірісін жасырып, жеңілдетілген шартпен салық төлеп жүрген кәсіпкерлерге ескерту жасады. Тиісті талап орындалмаса, бұл кәсіпкерлер мемлекет меншігіндегі ресурстарды қолдану құқығынан айырылатынын еске салды.

Нұрсұлтан Тілектес