Жаңалықтарды Telegram арнамыздан оқыңыз!Қарағанды қаласында «Бірлікпен гүлденген Сарыарқа» атты 20 этномәдени бірлестіктің басын қосқан бірегей көрме ел назарына ұсынылды.
Біз қазір Қарағанды қаласындағы Достық үйіндеміз. Ғимарат атына заты сай гүлденіп, келушілерге ерекше әсер сыйлауда. Таңнан бері ағылып жатқан қала тұрғындары 20 этномәдени бірлестік дайындаған ерекше көрмені тамашалап жатыр. Мұнда әр бірлестіктің жетістіктері мен облыстың дамуына қосқан үлесі көрсетілген. Және бұл көрме арқылы өңіріміздің көп ұлтты екенін көруге болады.
Қазақтың ұмыт бола бастаған тоқыма өнеріне жасөспірімдер қатты қызығуда. Бұған дейін облыс әкімі Ермағанбет Бөлекбаев ажырамас бірліктің нығаюына ат салысқан жандарды алғыс хатпен марапаттады. Жалпы облыс бойынша 100-ге жуық іс-шаралар өткізілуде. Алдағы уақытта мына бірегей көрме барлық аудан тұрғындарының назарына ұсынылмақ.
Жандос Бақытұлы
