Жаңалықтарды Telegram арнамыздан оқыңыз!Павлодарда дәл қазір «Достық трамвайы» жолға шықты. Көліктің бұл түрі қаланың барлық бөлігі мен шағын аудандарын, тіпті, өндірістік аумақтарды да басып өтеді.
Бұл - күнде маршрут бойынша жүретін емес, «Достық» деп ат берілген, сәні де, салтанаты да бөлек трамвай. Яғни татулық пен ынтымақтастықты ұран еткен «Достық керуені» жолға шықты. Бұл жерде әр этностың әні де бар, жолаушыға ұсынылатын дәмі де бар. Бүгін дәл осы трамвайға әр ұлттық бірлестік өкілдері кезекпен мініп арнайы дайындалған концерттік бағдарлама ұсынады. Ынтымақ бар жерде қашанда ырыс болады. Сондықтан сан ұлттың басын біріктіріп, айрандай ұйытып отырған қазақ халқына этнос өкілдерінің айтар алғысы шексіз!
Болат Аманбаев
