Бүгін Трамп пен Зеленский минералдық ресурстар туралы келісімге қол қояды

Бүгін Зеленский мен Трамп кездеседі. Содан кейін лидерлер минералдық ресурстар туралы келісімге қол қоюы керек. Бұл ымыраға сәйкес, Құрама Штаттар үшін Украинаның уран, титан, литий, графит, мұнай, газ тәрізді қазба байлықтарын игеруге мүмкіндік туады. Ал осы ресурстардан түскен кірістің 50 пайызы ортақ қорға жиналып, Украинаны қалпына келтіруге және өркендетуге жұмсалмақ. Бұған қоса, екіжақты мәміленің арқасында Американың қару-жарағы Украинаға әрі қарай да жеткізіледі деген үміт бар. Трамп келісім аясында Киевке қауіпсіздік кепілдігі берілмейтінін ескертті. Дегенмен оның ойынша, Украинада Америка мүддесінің пайда болуының өзі бұл елдің қауіпсіздігін автоматты түрде қамтамасыз етуі керек.

Арыстан Рысбек