Жаңалықтарды Telegram арнамыздан оқыңыз!Ертең – көктемнің алғашқы күні. Көктеммен бірге елімізде дәстүрлі әрі ауқымды іс-шаралар да сабақтасады. Соның бірі – Ұлттық құрылтай. Тарихқа көз жүгіртсек, бабаларымыз маңызды мәселелерді осындай алқалы жиында талқылаған. Мысалға, Талас құрылтайынан кейін Алтын Орда дербес мемлекет болды. Орынбордағы бірінші қазақ құрылтайында Алаш партиясы құрылды. Екінші құрылтайда Алаш автономиясы жарияланды. Егемендік кезеңінде Дүниежүзі қазақтарының алғашқы құрылтайы өткізілді. Бұл жиында сырттағы қандастарымыз Атамекенге шақырылды.
Бабалар жолын ұстанып, құрылтай шақыру дәстүрі 2022 жылы Ұлытауда жаңғырды. Оның нгезігі міндеті - қоғамдық бірігуді дамыту, жалпыұлттық құндылықтарды ілгерілету және нығайту. Екінші құрылтай «Әділетті Қазақстан – адал азамат» деген айдармен киелі Түркістанда өтті. Онда келелі кеңес көрініс тауып, ұтымды ұсыныстар айтылды. Ал былтыр Атырауда өткен алқалы жиында да өте өзекті мәселелер талқылады. Соның нәтижесінде құрылтайда көтерілген бастамаларға сай 9 заң қабылданды. Кезекті Ұлттық құрылтай Көкшетауда өтеді. Бұл туралы Президент былтыр мәлімдеген болатын.
Азамат Бейбітұлы
