Жапонияда қарияларға роботтар көмектесуде

Жапон ғалымдары қариялар мен науқас жандарға көмек көрсететін гуманоид робот жасап шығарды. Бұл жоба үкіметтің күрделі әлеуметтік мәселелерді шешу бағдарламасы аясында қолға алынған. AIREC деп аталатын роботтың салмағы 150 келі, биіктігі 154 сантиметр. Оның ерекшелігі – адамдарға жеңіл әрі қауіпсіз түрде қызмет көрсетеді әрі адамның талабына сай өз әрекетін тез үйлестіруге қабілетті. Мұндай робот, мысалы реанимацияда жатқан егде жастағы адамдардың жаялықтарын, киімін ауыстырады, емдік гимнастика жасатады. Тіптен жұмыртқа қуырып бере алады. Мұндай гуманоид роботтар енді 2040 жылдан бастап жаппай шығарыла бастайды. 

Арай Төлегенқызы