Былтыр 40 судья тәртіптік жауапкершілікке тартылды

Былтыр сот жюриінің шешімінен соң 40 судья тәртіптік жауапкершілікке тартылды. Тағы бірнешеуіне ескерту беріліп, сөгіс жариялаған. Көпшілігі аудандық деңгейдегі судья. Жоғары Сот Кеңесі жанындағы Сот жюриінің төрағасы Нұржан Қайыпжанның айтуынша, олар сот төрелігін іске асыру кезінде заңды өрескел бұзған. Әдеп кодексінің нормаларына бағынбаған. Сот төрағасы мен сот алқасының міндеттерін де орындамаған деді. Сондай-ақ қызметіне немқұрай қараған 6 судья қызметінен босатылыпты. Бұдан бөлек 2024 жылы Сот жюриіне судьяларға қатысты түскен 77 тәртіптік істің 33-і тоқтатылған. 

 Асылбек Данияр