ІІМ желіде жарияланған «блогерлер тізімін» тексереді

Ішкі істер министрлігі желіде жарияланған «блогерлер тізімін» тексереді. Қазір ақпаратты тарату дерегі тіркеліп, Астананың полициясына жолданған. Тексеру барысында тізімнің шынайлығы анықталып, тиісті шешім қабылданбақ. Қылмыстық іс қозғалуы мүмкін. Еске салсақ, бұған дейін желіде миллиондап табыс табады делінген блогерлердің тізімі жарияланған еді. Экономист Бауыржан Ысқақ блогерлер табысына қарай салығын да төлеуге міндетті деп санайды.

Бауыржан Ысқақ, экономист:

Бұл жерде блогерлердің өз қателіктері бар. Егер олар арнайы есепшот ашып, тапқан табысын касса аппаратымен тіркесе немесе заңды тұлғаның есепшотына аударса жаңағыдай сұрақтар туындамас еді. Блогерлер әрбір сторис, жазбасына алған ақшасын жеке нөміріне емес, салық комитетінде ашылған ашылған арнайы есепшотына аударуы тиіс.

Самал Қабышева