Басты Жаңалықтар Күштібаев ісі: Үш адам алты жылға сотталды

Күштібаев ісі: Үш адам алты жылға сотталды

28.02.2025 10:05

Қызмет орнында қыз зорлау бабымен сотталған Талдықорған қалалық полиция басқармасының бұрыңғы басшысы Марат Күштібаевтың ісінен кейін тағы үш адам қамауға алынды. Олар - экс-полицейдің жәбірленушісі, оның танысы және Талдықорған қалалық сотының хатшысы.

Тергеп-тексеру барысында М.Күштібаевтың зайыбы мен ағасына, адам зорлау ісін мәжбүрлеп жыныстық қатынасқа түсіру дерегіне ауыстырып, жазаны жеңілдетуге болады деген ұсыныс түседі. Ол үшін жәбірленуші сотта өз айғақтарын өзгертуі үшін хатшы қыз арқылы 50 млн теңге талап еткен. Қаржының қомақты бөлігі бойжеткенге берілгенімен, айғақтар өзгертілмей, М.Күштібаев 11 жылға сотталып кетеді. Айыптаушы тарап үш күдіктіге бес жылдан он жылға дейін бас бостандығынан айыру жазасын тағайындауды ұсынады. Көксу аудандық судьясы үшеуінде алаяқтық бабымен 6 жылға бас бостандығынан айырды. Сот үкімі заңды күшіне енген жоқ.

Қуаныш Қанатұлы

Автор

Қуаныш Қанатұлы

Бөлісу