Ақтауда ауа райына байланысты ұшақтар уақытынан кешікті

Ақтау халықаралық әуежайы бүгін түскі сағат 12:00-ден бастап уақытша жұмысын тоқтатты. Соған байланысты Астана, Атырау, Стамбулға ұшатын рейстер уақытынан кешікті. Алматы мен Көкшетаудан келетін жолаушылар да Ақтауға жете алмай отыр. Аймақта бірнеше күннен бері толассыз қар жауып, қатынас қиындады. Коммуналдық мекемелер кешелі бері күшейтілген режимде жұмыс істеуде. Түстен кейін сабақ онлай өтті, ертең де оқушылар қашықтан оқиды. Қауіпсіздік үшін барлық бағыттағы жол жабылған.

Аягөз Оралбайқызы