Жаңалықтарды Telegram арнамыздан оқыңыз!АҚШ пен Украина арасындағы минералдық ресурстарды бірлесіп игеру туралы келісім Киевке тікелей қауіпсіздік кепілдігін бермейді. Мұны президент Владимир Зеленский мәлімдеді. Бірақ оның сөзінше, бұл құжат Құрама Штаттардың Украинаға көмегін әрі қарай жалғастыруға жол ашады. Айта кетсек, Украина үкіметі бұл құжатты сәрсенбі күні мақұлдады. Оған қол қою үшін Зеленский ертең Вашингтонға аттанады.
Денис Шмыгаль, Украина премьер-министрі:
Таяу уақытта Жеңіс жоспарын жүзеге асыру аясында маңызды қадам жасаймыз. Елді қалпына келтіру үшін Құрама Штаттармен инвестициялық қор құру туралы келісімге қол қойылады. Бүгін үкіметіміз осыған қажетті шешімдер қабылдап жатыр.
АҚШ президенті Дональд Трамптың ескертуінше, Украина НАТО-ға өту мәселесін ұмытуы керек. Және де Трамп Вашингтонның Киевке қауіпсіздік кепілдігін бермейтінін де мәлімдеді. Оның сөзінше, минералдық ресурстар туралы келісім нәтижесінде Украинада Американың мүддесі пайда болады. Ал сол мүддеге ешкім қол сұқпауы тиіс.
Арыстан Рысбек
