Жаңалықтарды Telegram арнамыздан оқыңыз!Қостанай облысының Степанов ауылында заманауи сүт фермасы ашылды. Бұл жоба Мемлекет басшысының агроөнеркәсәп кешінін дамыту туралы тапсырмасына сәйкес жүзеге асып отыр. Жақында шаруашылық Даниядан 400 сауын сиыр әкелді. Жыл аяғында дейін олардың санын 1200 жеткізу жоспарланған.
Айналмалы карусель бір мезетте қырық сиырды сыйдырады. Мұндағы сауу процесін төрт сауыншы жүзеге асырады. Бірі сиырдың желінін сүртіп, бірі оған арнайы құрылғыны кигізеді. Автоматтандырылған жүйенің ақаусыз жұмыс істеуін бақылдайды.
Оксана Уварова, сауыншы:
Біздің ауылда мұндай болған емес. Сиырлар енді бой үйретіп, өзіміз де ақырындап машықтанып жатырмыз. 5-6 минутта айналып келгенше, сауылып болады, аппарат өздігінен өшеді.
Қазір фермада 30 шақты жергілікті тұрғын еңбек етеді. Кәсіпорын толық қуатына көшкенде жұмысшылар саны тағы да көбейе түспек. Ферма толық заманауи құрылғылармен жабдықталған.
Талғат Мусин, зоотехник-селекционер:
Үлкен таблоның мәліметі бойынша, әр сиыр қай жерде тұр, оның сүті бәрі түгел сауылып болды ма, жоқ па - бәрін көрсетеді.
Жобаның жалпы құны - 6 млрд 200 млн тенге. Бұл қаржының 30 пайызы шаруашылыққа тиесілі болса, қалғаны жеңілдетілген несие есебінен берілген мемлекет қаржы.
Асылбек Айқадамов, ферма басшысы:
10 жылға 2,5 пайызбен берілген несие көмек болып отыр. Жоба бойынша жылына 9 мың тонна сүт беруіміз керек. Қазір бірінші бұзаулап жатқандар ғой. 21 литр беріп жатыр. Жоспар бойынша 26-27 литрге жеткізетін ойымыз бар.
Облыста биыл барлығы 6 сүт фермасын ашу жоспарланған. Егер осы жобалар толық іске асса, өңірде сүт өндірісі 40 процентке артады.
Дәуренбек Әбдібек
