Жаңалықтарды Telegram арнамыздан оқыңыз!
Елордада «Отбасы берекесі» атты кітаптың таныстырылымы өтті. Автор Оразкүл Асанғазықызы шығармасында жанұя институты, ұлттық тәрбие мен дәстүр тақырыптарына тоқталған. 6 ай бойы жазылған туындыда отбасыдағы берекені сақтау туралы жазылған. Кітап 3 мың данамен басылды. Астана, Алматы және Шымкент қалаларында сатылымға шықпақ.
Оразкүл Асанғазықызы, кітап авторы:
Әр отбасының шаңырағы биік, керегесі кең, босағасының берік болғанын қаладым. Осыған қалай көмектесемін халқыма деп өзімнің өмірлік тәжірибемді айтатын жүйе жасадым. Кітап үш бөлімнен тұрады. Бірінші бөлім – «Отан – отбасынан басталады». Екінші – «Махаббат жылытады». Үшінші бөлім – «Жұрттікі бүгін үшін, менікі ертең үшін» деген бала тәрбиесі туралы.
Темірлан Нұрсолтанов
