ШҚО-да вакцинадан бас тартатын ата-аналар азаймай тұр

Шығыс Қазақстан облысында жаңа туған нәрестесіне түрлі жұқпалы ауруға қарсы вакцина салдырудан бас тартатын ата-аналар көбейіп барады. Мәселен өңірде 2023 жылы 112 ата-ана вакцина ектіруге қарсы болса, 2024 жылы бұл көрсеткіш 133-ке жетті. Әсіресе Өскемен қаласы тұрғындары арасында қарсылар көп.

Былтыр баласына вакцина салдырудан 59 ата-ана бас тартқан. Ал Глубокое мен Алтай ауданы тұрғындары да екпеге аса құлықты емес. Дегенмен өңірде жаңа туған сәбилерді вакцинациялау деңгейі жоғары. Былтыр туберкулезге қарсы екпемен қамту – 97 пайызға, «В» гепатиті бойынша 96 пайыз орындалған. 

Әсем Халықова, облыстық санитариялық-эпидемиологиялық бақылау департаментінің бөлім басшысы:

Қазір біз вакцинация бағдарламасын тоқтатсақ, мұндай вакцина жоятын аурулар қайтадан өршіп тіркеледі. Жұқпалы аурулардан бала мүгедек болып қалады, тіпті соңы өлімге әкеп соғуы мүмкін. Сондықтан екпе алу өте маңызды.

Олжас Керейхан