Жаңалықтарды Telegram арнамыздан оқыңыз!Вашингтон мен Киев Украинаның табиғи ресурстарын бірлесіп игеру жөніндегі келісімге қол қоюға уағдаласты. Шикізатқа уран, литий, титан, графит қана емес, мұнай мен газ да кіреді. Бұған дейін Құрама Штаттар Украинаға қару бергені үшін одан 500 миллиард доллардың байлығын сұраған еді. Бірақ оған президент Зеленский келіспеді. Соңғы мәліметке қарағанда, Киевке осы жолы тиімді келісім жобасы ұсынылып, Америка бұрынғы қатаң талабынан бас тартқан. «Файниэншл таймс» газетінің хабарлауынша, жаңа құжатты Украинаның әділет, экономика және сыртқы істер министрліктері мақұлдады. Келісімге Вашингтонда қол қойылмақ. Сол үшін Зеленский жұма күні АҚШ-қа аттанады. Мұны Трамп та растап отыр. Келісімге қол қойғаны үшін Украина АҚШ-тан не алады деген сұраққа Трамп: «350 миллиард доллар, әскери техника және соғысуға құқық алады», - деп жауап берді.
Арыстан Рысбек
