Жасанды интеллект және этика

Жасанды интеллект және сандық этика. Астанадағы жоғары оқу орындарының бірінде өткен уоркшопта осы мәселе талқыланды. Жиналғандар жасанды интеллект экожүйесін дамыту, тілдік үлгілер мен цифрлық лингвистика туралы да сөз қозғады. Ал жоғары оқу орны мен Мұсылман ақсақалдар кеңесі арасында өзара түсіністік туралы меморандумға қол қойылды. Құжат жасанды интеллект этикасы саласындағы бірлескен зерттеулер мен саясат бастамаларын дамытуға деген ортақ ұстанымды нығайтуға негіз болмақ.

Мұхаммед Эламин, Мұсылман ақсақалдар кеңесі Орталық Аазия бюросының директоры:

Жасанды интеллектінің дамуы бұрын-соңды болмаған мүмкіндіктер береді. Алайда этикалық мәселелерге қатысты қиындықтар бар. Бұл өте маңызды. Қазіргі таңда жасанды интеллектінің негізінде жасалған қосымшалар қолданылып жалған жаңалықтар тарап жатады. Осылай жалғаса берсе, қоғамда күрделі мәселелер туындауы мүмкін. Сондықтан, біз жасанды интеллектінің этикалық шеңбері мен қолданылу аясын айқындайтын шектеулер мен стандарт орнатқымыз келеді.

Темірлан Нұрсолтанов