Жол апаттарының 96 пайызына жүргізушілер кінәлі

Соңғы 1 жылда жол көлік оқиғасы 2 есе өсті. Жарақаттанғандар мен көз жұмғандардың саны да көбейген. Жол апаттарының 96% жүргізушілердің кінәсінен болған. Сенатта өткен жиында жолдағы қауіпсіздік мәселесі талқыланып, оны қамтамасыз етудің бірнеше бағыты аталды. Алғашқысы жол инфроқұрылымын дамыту және ереженің сақталуын барынша бақылау. Ал, ең негізгісі - жүргізушілердің мәдениетін арттыру. Ішкі істер министрлігінің өкілі «Жүргізушілерді дайындау және оларға құжат беру саласы жемқорлықтың ордасына айналды. Көліктің рөліне отырып көрмеген азаматтар куәлікті сатып алғандықтан апат та азаймайды» - деп мынадай ұсыныс жасады.

Қайсар Сұлтанбаев, ҚР ІІМ Әкімшілік полиция комитетінің төрағасы:

Көлік жүргізушілерін дайындау мектептерін бақылау ІІМ-ге жүктелген. Ал емтихандарды қабылдап, басқа жұмыстарды атқару Азаматтарға арналған үкіметке тапсырылып отыр. Бұл мәселені бір органға беру керек. Азаматтарға арналған үкімет толық алсын. Сол кісілер аяғына дейін жауап берсін. Немесе ІІМ-ге соны толық қайтарып беріңіздер.