Жаңалықтарды Telegram арнамыздан оқыңыз!Президент Мемлекеттік қызмет істері агенттігінің төрағасы Дархан Жазықбайды қабылдады. Кездесуде мемлекеттік қызметті цифрландыру және президентке үміткерлерді біліктілігіне қарай автоматты түрде іріктейтін eQyzmet жүйесі туралы баяндалды. Бүгінде үміткерлердің жеке және кәсіби дамуын ескеретін цифрлық рейтинг іске қосылды. Биыл жүйеге 2400 ұйым мен 500 мың қызметкерді қосу жоспарланып отыр. Мемлекеттік аппарат дарынды жастарды тартуға және бюрократиялық процестерді қысқартуға баса мән бермек. Президент «Мемлекеттік қызмет туралы» жаңа заң жобасын әзірлеуге және Мемлекеттік қызметті дамытудың 2024-2029 жылдарға арналған тұжырымдамасын жүзеге асыруға қатысты бірқатар тапсырма берді. Сондай-ақ мемлекеттік орган жұмысының тиімділігін арттыру үшін HR-құралдарды белсенді енгізу қажет екеніне назар аударды.
Дархан Жазықбай, ҚР Мемлекеттік қызмет істері агенттігінің төрағасы:
Қазір мемлекеттік қызметте дамыту тұжырымдамасын жүзеге асыру үшін заң жобасы әзірленіп жатыр. Оның аясында бірыңғай кадр жүйесін масштабтау, ерте кәсіби бағдар беру институтын қалыптастыру, адам ресурстарында жасанды интеллект мүмкіндіктерін қолдану, мемлекеттік қызметкерлер үшін горизонталды өсу мүмкіндіктерін енгізу жоспарлануда.
Азамат Бейбітұлы
