Астанада «Бірлік пен татулықтың 30 жылы» атты көрме ашылды

Астанада «Қазақстан халқы Ассамблеясы: бірлік пен татулықтың 30 жылы» атты көрме ашылды. Ассамблеяның қалыптасу мен даму тарихын, ұлтаралық келісімді нығайту және қоғамды біріктіру ісіне қосқан үлесін көрсету – іс-шараның негізгі мақсаты. Екі бөлімнен тұратын көрмеде кітапханалар мен мұражай қорларынан және архивтен жүзге жуық экспонат қойылды. Ол 25 наурызға дейін жалғаспақ.

Ботагөз Қайыпова, ҚР Президенттік орталығы директорының орынбасары:

Жүзден астам жәдігер қойылуда. Оның ішінде дәстүрлі құжаттар бар. Бұл - конституциялық дәрежесі бар кеңестік алаңның қалыптасуы тарихын жан-жақты көрсетін фотоқұжаттар. Сонау 1995 жылдағы Қазақстан халықтарының форумынан бастап, бүгінгі күнге дейін бұл мекеме, ұйымның тарихын жан-жақты көрсететін және сонымен қатар әртүрлі мемлекет басшыларымен дипломатиялық комиссияларында біздің Президеттерімізге сыйға тартылған естеліктер бар.

Темірлан Нұрсолтан