Басты Жаңалықтар Абай облысында жасөспірімді бір топ оқушы аяусыз соққыға жыққан

Абай облысында жасөспірімді бір топ оқушы аяусыз соққыға жыққан

25.02.2025 10:06

Семейде бір топ жасөпірім 6-сынып оқушысын аяусыз соққыға жыққан. Бұзақылар ұл баланың басынан, кеуде тұсынан тоқтаусыз тепкілеп, ол әрекеттерін телефонға түсіріп алған. Оны әлеуметтік желіде таратқан. Қазір бұл оқиға бойынша қылмыстық іс қозғалды. 6-7 сыныпта оқитын озбырлардың ата-аналары да полицияға жеткізілді.

Жасөспірімдер арнайы есепке қойылып, олардың тәртібін кәмелетке толмағандар құқығын қорғау жөніндегі комиссия қарайды. Ал қорлық көрген жеткіншекпен психологтар жұмыс істеп жатыр. Дәрігерлер де баланың денсаулығына қаншалықты зиян келгенін тексеруде.

Ғалия Нұрғалиева, Семей қаласы білім бөлімі басшысының орынбасары:

Оқиға демалыс күндері болған. Соққыға жығылған оқушы қазір мектепте. Ол емханаға жүгінбеген. Дегенмен қазір құқық қорғаушылар мән-жайды анықтап жатыр. Баланы ұрып-соққан барлық жасөспірім тергеліп жатыр.

Ержан Жақып

Автор

Ержан Жақып

Бөлісу