Жаңалықтарды Telegram арнамыздан оқыңыз!Қостанай облысында тасқынға қарсы дайындық барысында құрамалы бөгет сынақтан өткізілді. Темір тордан жасалған құрылғы ішіне тас, құм толтырылып бекітіледі. Биіктігі екі метр. Қажеттілікке қарай металл торкөз қаңқаны бір-бірінің үстіне кигізіп биіктетуге болады. Бұл құрылғының ерекшелігі – жылжымалы. Яғни су басу қаупі төнген жерге апарып жылдам құрастыруға болады. Сынақтан өткізу кезінде мамандар оны құрастырудың әдіс-тәсілдерімен іс жүзінде танысты. Құрылғы елдімекендерді тасқын судан қорғауға арналған.
Дәуренбек Әбдібек
