65 этникалық қазаққа «Ата жолы» арнайы картасы берілген

Жыл басталғалы шетелден тарихи Отанына оралған этникалық қазақтарға 65 «Ата жолы» картасы берілді. Бұл карта қандастарымызға елде 10 жыл өмір сүруге және жұмыс істеуге құқық береді.

Еңбек және халықты әлеуметтік қорғау министрлігі өкілдерінің дерегінше, 27 картаны дайын бизнесі бар азаматтар, ал 38 картаны сұранысқа ие мамандық иелері алған. Қоныс аударушылар Ресей, Германия, Моңғолия, Қытай, Ұлыбритания, АҚШ, Израиль, Франция, Нидерланд, Финляндия, Қырғызстан және Өзбекстан секілді мемлекеттен келген. Олардың ішінде инженер-физик, инженер-математик, химик-технологтар, пластикалық хирургтар мен педиатрлар бар.

Асылбек Данияр