Испанияда мыңдаған адам сапалы білім үшін шерулетті

Испания астанасы Мадридте мұғалімдер мен студенттер білім беру сапасын жақсартуды талап етті. Бұған қоса олар үкіметтің шығындарды қысқарту жоспарына наразы. Шеруге шыққандар «Мемлекеттік білім беруді сақтап қалайық, оны жекешелендіру - біздің күйреуіміз» деп ұрандатқан. Соңғы кездері Испанияда мемлекеттік мектептерде орын жетіспейтін болған. Сол себепті жеке кәсіби-техникалық оқу орындарында оқитындардың саны күрт артқан. Қоғамда білім беру әрі қарай жекешелендіріле түседі деген алаңдаушылық артып отыр. Кейбірі білім саласына жауапты тұлғалардың қызметтен кетуін талап етті.  

Арай Төлегенқызы