Жаңалықтарды Telegram арнамыздан оқыңыз!
Шығыс Қазақстан облысында былтыр малда болатын бруцеллез бен сібір жарасы сияқты түрлі жұқпалы аурулардың 10 ошағы тіркелді. Дегенмен мамандар бұл індеттер алдыңғы жылмен салыстырғанда бірнеше есе азайғанын айтады. Қазір өңірдегі жалпы эпизоотиялық жағдай тұрақты. Тек Күршім ауданы Теректібұлақ ауылында бес ай бұрын шыққан бруцеллез ауруы әлі тыйылмай тұр. Мамандар жұқпалы кесел тіркелген кезден бастап ол елдімекеннен ет өнімдерін шығаруға шектеу қойған. Қазір мал дәрігерлері осы Теректібұлақ ауылындағы төрт түлікке ем-домды жалғастырып жатыр.
Анар Рахманова, облыстық ветеринария басқармасының бас маманы:
Күршім ауданында іс-шаралар жалғасып жатыр. Өйткені ірі қара малдан 15-20 күн сайын қан алынып Күршім аудандық зертханасына әкелініп тексеріледі. Неге жалғасуда? Өйткені қан серологияларынан оң нәтиже анықталып жатыр. Екі рет теріс нәтиже алғанша ветеринарлық іс шара жалғаса береді.
Олжас Керейхан
