Елордада Жеңістің 80 жылдығына арналған концерт өтті

Жеңістің 80 жылдығы - миллиондаған адамдарды біріктіретін маңызды күн. Осы атаулы датаға орай Қазақстан Қарулы күштері мен Құрмет қарауыл ротасының шығармашылық ұжымы концерт өткізіп, патриоттық әндерді орындады.

Бұдан бөлек, әскери мұражайдың көшпелі көрмесі көрермен назарына ұсынылды. Онда Кеңес Одағының Батыры Бауыржан Момышұлы, екі мәрте Кеңес Одағының батыры Талғат Бигелдинов, бірінші Қорғаныс министрі, Халық қаһарманы Сағадат Нұрмағамбетов, Халық қаһармандары Тілеуғали Әбдібеков және Хиуаз Доспанованың жеке заттары, мұрағат құжаттары мен бірегей фотосуреттері, сондай-ақ майдандардан табылған снаряд сынықтары көрсетілді.

Серік Жұмабек