«Хамас» қозғалысы 6 израильдікті кепілдіктен босатып жатыр

«Хамас» қозғалысы бүгін өз кепілдігіндегі алты израильдікті босатып жатыр. Олар Газа секторының оңтүстігіндегі Рафах қаласында Қызыл Крест өкілдеріне табысталды. Бұл алтауы – Газадағы ымыраның бірінші кезеңінде босатылуы тиіс 33 адамның арасындағы соңғы тірі қалған тұтқындар. Олардың қайтарылуына жауап ретінде Израиль бүгін 602 палестиналықты түрмеден шығаруы керек. Израиль мен «Хамас» арасындағы атысты тоқтату туралы бітім қаңтардың 19-да күшіне енді. Бұл келісімді жүзеге асырудың екінші кезеңінде шамамен 60 израильдік босатылып, Израиль армиясы Газадан толық әкетілуі керек.

Арыстан Рысбек