Қостанайлық оқушы тасқыннан сақтайтын инновациялық көпір ойлап тапты

Қостанайлық оқушы тасқынға төзімді «Ақылды көпір» инновациялық жобасын жасады. Бұл жоба жүздеген адам қатысқан республикалық өнертапқыштар байқауында бірінші орынды жеңіп алды. Ауыл мектебінің 10-сынып оқушысы ашқан жаңалық су күрт көтерілгенде көпірді қираудан сақтайды. Ол үшін арнайы бағдарламамен жұмыс істейтін өлшеуіш құралдар су деңгейі артқанда көпірді автоматты түрде жоғары көтереді. Ауыл баласына бұл идея былтырғы су тасқыны кезінде келген. Инновациялық көпірдің жобасын дайындауға екі ай уақыт кетіпті. Жас өнертапқыш оны әрі қарай жетілдіре түсуді көздейді.

Виктор Рыжиков, оқушы:

Маған техникаға қатысты нәрсенің бәрі ұнайды. Келешекте осы саланың маманы болғым келеді. Өзім дайындаған осы жобаны әрі қарай жетілдіріп, оны іс жүзінде кәдеге жаратуға болатынын дәлелдеуге тырысамын.

Дәуренбек Әбдібек