Жетісу облысында жылжымалы әдебиет мектебі жұмысын бастады

Жетісу облысында «Мизам» жылжымалы әдебиет мектебі жұмысын бастады. Еліміздегі тұңғыш авторлық жоба аясында 6-10 сынып аралығындағы оқушыларға сөз қадірін білетін жетісулық ақын-жазушылар дәріс беріп, шығарма жазып, өлең шығарып және жастарға кітап оқуды дәріптейді. Әдебиет мектебі шығармашылықтың 7 бағыты бойынша жұмыс істейді. Жас қаламгерлер шағын әңгіме, мақала, эссе жазуға машықтанып, жергілікті ақын-жазушылармен кездесіп, мәдени шаралар мен байқауларға қатысып қарым-қабілеттерін сынайды. Жылжымалы мектеп екі айда 8 аудан мен 2 қаланы аралап, талантты балаларды іріктеп, олардың әдебиет әлеміне батыл қадам басуына көмектеседі.

Жұматай Әміреев, облыстық «Жетісу» газетінің бас редакторы, ҚР Мәдениет қайраткері:

Әдебиет әлеміне ақпанның ақ таңында осындай бір әппақ арманмен жолға шықтық. Болашақта жемісін беріп жатса, алдағы жылдары бұдан да ауқымды етіп, әрі қарай дамытамыз.

Қуаныш Қанатұлы